Canal 
Aportant € 5
Agradecimiento 'Mojarte Descuenta'
Tu nombre aparecerá en los créditos de la web, pero es que además... mojarte desgrava!!! Consulta detalles aquí: https://www.goteo.org/faq/investors#q112 Hazlo, dime que sí! Say yes!
> 01 Cofinançadors
Hitza Urola Kosta Erreportaia
08 | 10 | 2016
“DIPUTAZIOAK MUSIKA ELEKTRONIKOARI LEKU BAT EGITEAK ILUSIOA EGIN DIT”
Gipuzkoako Foru Aldundiaren Meta! crowfunding kanpainan Iñigo Txanpainaren ‘Txanpaña Forever’ proiektua aukeratu dute. Diskoa argitaratu ahal izateko, 3.800 euro bildu behar ditu.
Gipuzkoako Foru Aldundiaren Meta! crowdfunding kanpainan 70 lan jaso zituzten, eta epaimahaiak hogei proiektu aukeratu ditu. Horien artean dago Iñigo Elorza Txanpaina DJaren (Azkoitia, 1976) Txanpaña Forever proiektua. Kantak grabatuta ditu dagoeneko, baina horiek disko batean biltzeak dakartzan gastuei aurre egiteko, jendearen laguntza behar du. Proiektua diruz lagundu nahi dutenek, webgune honetan egin dezakete, eta sariak jasoko dituzte trukean.
Zure proiektua aukeratu dute crowdfunding kanpainarako. Zer etorriko da orain?
Urriaren 24ra bitartean 3.800 euro lortu behar ditut proiektua aurrera atera ahal izateko. Diputazioak bikoiztu egiten ditu jendeak emandako laguntzak, eta, horrela, kopuru horretara heltzeko askoz aukera gehiago ditut. Hori bai, muga ehun eurotan ipini dute. Norbaitek 101 euro jartzen baditu, Diputazioak ehun jarriko ditu. Proiektu polita da; merezi du.
Eta urriaren 24rako diru hori bilduko ez bazenu?
3.800 euro da gutxienekoa, eta egun horretarako 3.800 lortzen ez baditut, proiektua ez da garatuko. Dena edo ezerrez da hau.
Oraingoz, zenbat diru lortu duzu?
Ez asko, oraintxe hasi naiz arrankatzen. Guztira, 178 euro bildu ditut; behar dudanaren %4. Baina oraindik 27 egun ditut.
Nolatan animatu zinen zure proiektua aurkeztera?
Kantak eginda nituen, eta disketxe batekin harremanetan nengoen diskoa ateratzeko. Urtebete ibili naiz horrela, eta ez zidaten ez baiezkorik eta ez ezezkorik esaten. Justu ezetz esan zidaten goizean bertan, irratian entzun nuen crowfunding kanpaina bat zegoela, eta horretarako, tailer batzuk egin behar zirela Eibarren. Buruzka joan nintzen. 133 proiektu hasi ginen tailerretan, eta 70ek bukatu genuen. Eta horietatik hogei aukeratu gaituzte.
Ilusio handia egingo zizun aukeratuen artean egoteak…
Hasiera batean, beldurra neukan: “Gaizki irteten bazait…”, pentsatu nuen. Baina ez, aurrera egin behar da! Kontua da gainontzeko proiektuen atzean elkarteak daudela, eta, nire kasuan, dena neuk egin dut. Nacho Divisionek, Axularrek eta Tokik lagundu didate kantuekin, baina beste guztia nik egin dut. Ez pentsa erraza egin zaidanik, baina lortu dut aukeratua izatea, eta hori handia da. Diputazioak musika elektronikoari leku bat egiteak ilusio handia egin dit.
Nolatan hasi zinen DJ lanetan?
14 urterekin eman nituen lehen pausoak, eta 18rekin, Txanpaña taberna ireki nuenean, DJ bezala hasi nintzen. 06:00ak arte egoten nintzen tabernan bertan probatzen eta ikasten. Esaten zidaten musika mota hori laster pasatuko zela modatik, baina niri besterik ez zitzaidan gustatzen. Hiru hamarkada daramatzagu musika honekin, eta asko aurreratu dugu.
Comentaris
Inicia la sessió per deixar un comentari